Ձմեռը վայելել է պետք, վայելել այնպես, ինչպես սեբաստացիներս ենք վայելում հունվարյան ճամբարի օրերին: 2022-ի մեկնարկը գեղեցկանում է հենց ձմեռային մարզական խաղերով:
Այսօրվա ճամբարականների խումբը երկու ջոկատներից էր՝ Գոհար Իսկանդարյանի և և Նունե Թեմուրյանի, իսկ ուղղությունը՝ Լեռնանիստ։
Մենք սիրում ենք այստեսակ օրերը՝ ձմեռային, մարզական,, սովորեցնող, և թող դրանք շատ լինեն բոլորիս կյանքում:
Ֆոտոշարքը ստորև
Ֆոտոշարքը ներկայացնում եմ ստորև
Հունվարյան ճամբարի շրջանակում «Մխիթար Սեբաստացի կրթահամալիր»-ի Միջին դպրոցի Հասմիկ Թոփչյանի ջոկատի ճամբարականների հետ այսօր ուղևորվեցինք Կոտայքի մարզի Լեռնանիստ գյուղ։ Լեռնանիստ համայնքը բարձր լեռնային բնակավայր է, ձմեռային ամիսներին ձյունը առատ է, ձնածածկույթը պահպանվում է ավելի քան 4 ամիս։ Առկա են թեք լեռնալանջեր, որոնք նպաստում են դահուկավազքի և ձմեռային այլ սպորտաձևերի զարգացմանը: Լեռնանիստ համայնքը դարձել է ձմեռային տուրիզմի կենտրոն:
Սեբաստացիներս ձյունագնացով բարձրացանք լեռնալանջ, որտեղ մեր առջև բացվեց ֆանտաստիկ տեսարան՝ ողջ Լեռնանիստը։
Ֆոտոշարքը ստորև
Այսօր Միջին դպրոցի Նունե Սմբատյանի ջոկատի ճամբարականների հետ գնացի Գեղասահքի դպրոց։ Ֆոտոշարքը ստորև
Նախորդ պատումս կարդացի՞ք։ Թերթեցի՞ք նկարները։ Դե իսկ հիմա շարժվեցինք Ջրվեժի արգելոց։ Գեղասահքի մարզադպրոցից դուրս եկա և միացա Իրինա Ապոյանի ջոկատի ճամբարականներին։ Գնացինք Ջրվեժի հատուկ տարածք։ Ես արդեն պատմել եմ, թե ինչ հրաշալի վայր է սա ձմռանը մարզական և ազգային խաղեր կազմակերպելու համար։
Ֆոտոպատումը ստորև
Այսօր Ավագ դպրոցի Անուշ Ասատրյանի ջոկատի ճամբարականների հետ քայքով գնացի Երևանի գեղասահքի և հոկեյի մարզադպրոց։։ Ինձ հաճելի է այս ուղղությունը, քանի որ չմուշկների վրա սահելուն տիրապետում եմ և կարողանում եմ հեշտությամբ սովորեցնել։ Մինչ հունվարի վերջ շարունակական են լինելու այսպիսի ստուգատեսային արշավները Հայաստանի Հանրապետության տարբեր գոտիներ։
Հունվարի 17-ին «Մխիթար Սեբաստացի» կրթահամալիր-ի սեղանի թենիսի սրահում կայացավ ձմեռային ճամբարի սեղանի թենիսի մրցախաղը, որին մասնակցում էին կրթահամալիրի յոթ դպրոցի դասավանդողները։ Հետաքրքիր մրցախաղ տեղի ունեցավ, արդյունքում հաղթող ճանաչվեց Լուսինե Սարգսյանը, ինչի համար շնորհավորում ենք։ Երկրորդ պատվավոր հորիզոնականը գրավեց Սոնա Փափազյանը, իսկ երրորդ՝ Քնարիկ Մելքոնյանը։
Հասմիկ Սիմոնյան 