Մարտի 24-ին <<Սպարտակ>> սպորտային համալիրում կայացավ ՀՀ սեղանի թենիսի առաջնությունը։ Մասնակցում էին ՀՀ ուսումնական հաստատությունների դպրոցականներ։ <<Մխիթար Սեբաստացի>> կրթահամալիրը ևս անմասն չմնաց։ Միջին դպրոցի սովորողներից Հարություն Կոկոշյանը, Սարգիս Վարդանյանը և Արմեն Մալյանցը, ովքեր ընտրել են սեղանի թենիս մարզաձևը, որպես ուսումնական գործունեություն, մասնակցեցին առաջնությանը։ Տպավորիչ խաղ էր։ Սեբաստացի-թենիսիստները, երեք ամիս տևած եռանդուն ու անընդմեջ պարապմունքներից հետո, կարողացան պատվով մրցել յոթ և ավելի տարիներ սեղանի թենիսով զբաղվող սովորողների հետ։ Մրցույթը անցկացվեց չորս փուլով, մեր սովորողները հաղթանակ տարան սեթերում, պայքարեցին ուժերի լարումով։ Հուզիչ էր ամեն ինչ թե՜ ինձ համար, թե՜ սովորողների։ Առաջին մրցույթն էր իրենց կյանքում, իսկ ինձ համար դա տեսնելը, դրան մասնակցելն, ինչպես նաև, գլխավորելը, աննկարագրելի բերկրանք էր։